hai be-asar aisi hi jo apni kashish-e-dil

hai be-asar aisī hī jo apnī kashish-e-dil

jī le hī ke chhoḌegī ye ik din ḳhalish-e-dil

thā mū mujhe aamad meñ koī us kī ki nāgāh

le jaa.e na ghar se kahīñ bāhar tapish-e-dil

zahrāb o halāhil se jo kuchh kaam na niklā

de kar ke maiñ kī ḳhūn-e-jigar parvarish-e-dil

kis tarah koī guzre tirī rah se ki pyāre

har gaam pe is kūche meñ hai chapqalish-e-dil

kyā naqsh ki ḳhātir se hue mujh ko magar ek

har naqsh tirā aaTh pahar muntaqish-e-dil

hāthoñ se dil o diida ke aayā huuñ nipaT tañg

āñkhoñ ko ro.uuñ yā maiñ karūñ sarzanish-e-dil

diijo na ise us but-e-bebāk ko 'qā.em'

zinhār ki nāzuk hai nihāyat tapish-e-dil

hai be-asar aisi hi jo apni kashish-e-dil

ji le hi ke chhoDegi ye ek din KHalish-e-dil

tha mu mujhe aamad mein koi us ki ki nagah

le jae na ghar se kahin bahar tapish-e-dil

zahrab o halahil se jo kuchh kaam na nikla

de kar ke main ki KHun-e-jigar parwarish-e-dil

kis tarah koi guzre teri rah se ki pyare

har gam pe is kuche mein hai chapqalish-e-dil

kya naqsh ki KHatir se hue mujh ko magar ek

har naqsh tera aaTh pahar muntaqish-e-dil

hathon se dil o dida ke aaya hun nipaT tang

aankhon ko roun ya main karun sarzanish-e-dil

dijo na ise us but-e-bebak ko 'qaem'

zinhaar ki nazuk hai nihayat tapish-e-dil