hai chaman mein rahm gulchin ko na kuchh sayyaad ko

Sakhi Lakhnvi

hai chaman mein rahm gulchin ko na kuchh sayyaad ko

Sakhi Lakhnvi

MORE BYSakhi Lakhnvi

    hai chaman meñ rahm gulchīñ ko na kuchh sayyād ko

    ab ḳhudā shaad rakkhe bulbul-e-nāshād ko

    sūjhtī thī koh-o-sahrā meñ yahī har dam mujhe

    kījiye ġham qais aur roiye farhād ko

    hichkiyāñ aatī haiñ par lete nahīñ vo merā naam

    dekhnā un farāmoshī ko merī yaad ko

    yaad meñ un ke havās-e-ḳhamsa de dete haiñ ham

    aah ko naale ko ġhul ko shor ko fariyād ko

    jā.egī gulshan talak us gul aamad ḳhabar

    aa.egī bulbul mire ghar meñ mubārakbād ko

    naza.a ke dam bhī unheñ hichkī na aa.egī kabhī

    yūñhī gar bhūle raheñge vo 'saḳhī' yaad ko

    hai chaman mein rahm gulchin ko na kuchh sayyaad ko

    ab KHuda hi shad rakkhe bulbul-e-nashad ko

    sujhti thi koh-o-sahra mein yahi har dam mujhe

    kijiye gham qais ka aur roiye farhad ko

    hichkiyan aati hain par lete nahin wo mera nam

    dekhna un ki faramoshi ko meri yaad ko

    yaad mein un ke hawas-e-KHamsa de dete hain hum

    aah ko nale ko ghul ko shor ko fariyaad ko

    jaegi gulshan talak us gul ki aamad ki KHabar

    aaegi bulbul mere ghar mein mubarakbaad ko

    naza ke dam bhi unhen hichki na aaegi kabhi

    yunhi gar bhule rahenge wo 'saKHi' ki yaad ko

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY