hai dagh dagh mera dil magar malul nahin
hai daaġh daaġh mirā dil magar malūl nahīñ
tamām umr kā ronā mujhe qubūl nahīñ
vo guftugū jo nigāhoñ se hotī rahtī hai
hadīs-e-nargis-e-mastāna hai fuzūl nahīñ
bahut se phuul haiñ dāman meñ aap ke lekin
jise ham apnā kaheñ aisā koī phuul nahīñ
vo ek but jise kahte haiñ shāhkār-e-jamīl
sanam-kade kā ḳhudā hai magar rasūl nahīñ
surāġh-e-jāda-e-manzil jo de gayā hai 'farīd'
hinā kā rañg hai vo rāste kī dhuul nahīñ
hai dagh dagh mera dil magar malul nahin
tamam umr ka rona mujhe qubul nahin
wo guftugu jo nigahon se hoti rahti hai
hadis-e-nargis-e-mastana hai fuzul nahin
bahut se phul hain daman mein aap ke lekin
jise hum apna kahen aisa koi phul nahin
wo ek but jise kahte hain shahkar-e-jamil
sanam-kade ka KHuda hai magar rasul nahin
suragh-e-jada-e-manzil jo de gaya hai 'farid'
hina ka rang hai wo raste ki dhul nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
