hai dhum-e-rindan ek taraf saqi ka saman ek taraf

hai dhūm-e-rindāñ ik taraf saaqī kā sāmāñ ik taraf

mīnā-e-giryāñ ik taraf aur jām-e-ḳhandāñ ik taraf

dekhe use gar yak nazar vo taab se be-tāb ho

ḳhurshīd-e-larzāñ ik taraf aur mah gurezāñ ik taraf

ḳhandāñ chaman meñ kis qadar qāmat par apne sar-kashāñ

hai sarv-e-nāzāñ ik taraf shamshād-e-shādāñ ik taraf

aise meñ aa pahuñche agar vo māya-e-nāz-o-adā

hoñ lāf-bāzāñ ik taraf vo jān-e-jānāñ ik taraf

ab 'imtiyāz' haigī ajab hī āshiqoñ kī saf meñ dhuum

giryāñ-o-nālāñ ik tarf chāk-e-garebāñ ik taraf

hai dhum-e-rindan ek taraf saqi ka saman ek taraf

mina-e-giryan ek taraf aur jam-e-KHandan ek taraf

dekhe use gar yak nazar wo tab se be-tab ho

KHurshid-e-larzan ek taraf aur mah gurezan ek taraf

KHandan chaman mein kis qadar qamat par apne sar-kashan

hai sarw-e-nazan ek taraf shamshad-e-shadan ek taraf

aise mein aa pahunche agar wo maya-e-naz-o-ada

hon laf-bazan ek taraf wo jaan-e-jaanan ek taraf

ab 'imtiyaz' haigi ajab hi aashiqon ki saf mein dhum

giryan-o-nalan ek tarf chaak-e-gareban ek taraf