aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hai gulu-gir bahut raat ki pahnai bhi

Yusuf Zafar

hai gulu-gir bahut raat ki pahnai bhi

Yusuf Zafar

MORE BYYusuf Zafar

    hai gulū-gīr bahut raat pahnā.ī bhī

    terā ġham bhī hai mujhe aur ġham-e-tanhā.ī bhī

    dasht-e-vahshat meñ ba-juz-reg-e-ravāñ koī nahīñ

    aaj kal shahr meñ hai lāla-e-sahrā.ī bhī

    maiñ zamāne meñ tirā ġham huuñ ba-unvān-e-vafā

    zindagī merī sahī hai tirī rusvā.ī bhī

    aaj ne bhī mire haal se muñh pher liyā

    aaj nam-nāk huī chashm-e-tamāshā.ī bhī

    ab khulā hai ki tirā husn-e-taġhāful thā karam

    garche kuchh der tabī.at mirī ghabrā.ī bhī

    juz-ġham-e-dahr mujhe koī na pahchān sakā

    tire kūche meñ tirī yaad mujhe laa.ī bhī

    un mahfil meñ 'zafar' log mujhe chāhte haiñ

    vo jo kal kahte the dīvāna bhī saudā.ī bhī

    hai gulu-gir bahut raat ki pahnai bhi

    tera gham bhi hai mujhe aur gham-e-tanhai bhi

    dasht-e-wahshat mein ba-juz-reg-e-rawan koi nahin

    aaj kal shahr mein hai lala-e-sahrai bhi

    main zamane mein tera gham hun ba-unwan-e-wafa

    zindagi meri sahi hai teri ruswai bhi

    aaj tu ne bhi mere haal se munh pher liya

    aaj nam-nak hui chashm-e-tamashai bhi

    ab khula hai ki tera husn-e-taghaful tha karam

    garche kuchh der tabiat meri ghabrai bhi

    juz-gham-e-dahr mujhe koi na pahchan saka

    tere kuche mein teri yaad mujhe lai bhi

    un ki mahfil mein 'zafar' log mujhe chahte hain

    wo jo kal kahte the diwana bhi saudai bhi

    Source:

    Beesveen Sadi Ki Behtareen Ishqiya Ghazlen (Pg. 224)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now