hai irtibaat-shikan daeron mein baT jaana

hai irtibāt-shikan dā.eroñ meñ baT jaanā

chaman kā mauja-e-bād-e-sabā se kaT jaanā

kiran ke haq meñ ye sūraj kā faisla kyuuñ hai

jo farsh-e-ḳhāk pukāre to duur haT jaanā

maiñ par-shikasta na thā bādaloñ ke biich magar

mirī uḌaan kā zanjīr se lipaT jaanā

ye sāz-o-raḳht-e-dil-e-bahra-mand kyā shai hai

tamām bikhre hue dard kā simaT jaanā

ye kaun jhāñk rahā thā darīcha-e-shab se

ajab samāñ thā ghane bādaloñ kā chhaT jaanā

kahīñ pe dast-e-nigārīñ kahīñ lab-e-lālīñ

vo sote sote mirī niiñd kā uchaT jaanā

miyān-e-rāh ajab pur-fazā thī gahrī jhiil

maiñ Duub jaatā ki achchhā huā palaT jaanā

hai irtibaat-shikan daeron mein baT jaana

chaman ka mauja-e-baad-e-saba se kaT jaana

kiran ke haq mein ye suraj ka faisla kyun hai

jo farsh-e-KHak pukare to dur haT jaana

main par-shikasta na tha baadalon ke bich magar

meri uDan ka zanjir se lipaT jaana

ye saz-o-raKHt-e-dil-e-bahra-mand kya shai hai

tamam bikhre hue dard ka simaT jaana

ye kaun jhank raha tha daricha-e-shab se

ajab saman tha ghane baadalon ka chhaT jaana

kahin pe dast-e-nigarin kahin lab-e-lalin

wo sote sote meri nind ka uchaT jaana

miyan-e-rah ajab pur-faza thi gahri jhil

main Dub jata ki achchha hua palaT jaana