hai jo bigDi hui surat meri bimari ki

hai jo bigḌī huī sūrat mirī bīmārī kī

pyaar meñ mujh se kisī shaḳhs ne ġhaddārī kī

har taraf ḳhūn-ḳharāba kiyā logoñ ne bapā

sher taḳhlīq kiye maiñ ne ġhazal jaarī kī

har-nafas siine meñ patthar kī tarah lagtā hai

zindagī mujh pe sitam-kesh ne yuuñ bhārī kī

ye alag baat ki har lahza pareshāñ maiñ huuñ

maiñ ne sachchā.ī kī is par bhī taraf-dārī kī

maiñ ne har baar haqīqat kī nazar se dekhā

us ne har baar mire saath adākārī kī

phuul kī misl mahak uTThegā qarya qarya

apne is des kī jab ham ne kamāñ-dārī kī

qāfile vāloñ ko manzil na milī barsoñ se

ye bhī ḳhūbī hai tirī qāfila-sālārī kī

zindagī apne bharose pe guzārī maiñ ne

vāris-e-taḳht ne kab merī nigah-dārī kī

is se badlegā mire shahr kā saarā manzar

lahar jo uTThī mire shahr meñ bedārī kī

rashk aatā hai hameñ apne muqaddar pe 'nabīl'

āl-e-ahmad kī sadā ham ne azā-dārī kī

hai jo bigDi hui surat meri bimari ki

pyar mein mujh se kisi shaKHs ne ghaddari ki

har taraf KHun-KHaraba kiya logon ne bapa

sher taKHliq kiye main ne ghazal jari ki

har-nafas sine mein patthar ki tarah lagta hai

zindagi mujh pe sitam-kesh ne yun bhaari ki

ye alag baat ki har lahza pareshan main hun

main ne sachchai ki is par bhi taraf-dari ki

main ne har bar haqiqat ki nazar se dekha

us ne har bar mere sath adakari ki

phul ki misl mahak uTThega qarya qarya

apne is des ki jab hum ne kaman-dari ki

qafile walon ko manzil na mili barson se

ye bhi KHubi hai teri qafila-salari ki

zindagi apne bharose pe guzari main ne

waris-e-taKHt ne kab meri nigah-dari ki

is se badlega mere shahr ka sara manzar

lahar jo uTThi mere shahr mein bedari ki

rashk aata hai hamein apne muqaddar pe 'nabil'

aal-e-ahmad ki sada hum ne aza-dari ki