hai kis qadar halak-e-fareb-e-wafa-e-gul

hai kis qadar halāk-e-fareb-e-vafā-e-gul

bulbul ke kārobār pe haiñ ḳhanda-hā-e-gul

āzādī-e-nasīm mubārak ki har taraf

TuuTe paḌe haiñ halqa-e-dām-e-havā-e-gul

jo thā so mauj-e-rañg ke dhoke meñ mar gayā

ai vaa.e nāla-e-lab-e-ḳhūnīñ-navā-e-gul

ḳhush-hāl us harīf-e-siyah-mast kā ki jo

rakhtā ho misl-e-sāya-e-gul sar-ba-pā-e-gul

ījād kartī hai use tere liye bahār

merā raqīb hai nafas-e-itr-sā-e-gul

sharminda rakhte haiñ mujhe bād-e-bahār se

mīnā-e-be-sharāb o dil-e-be-havā-e-gul

satvat se tere jalva-e-husn-e-ġhuyūr kī

ḳhuuñ hai mirī nigāh meñ rañg-e-adā-e-gul

tere hī jalve kā hai ye dhokā ki aaj tak

be-iḳhtiyār dauḌe hai gul dar-qafā-e-gul

'ġhālib' mujhe hai us se ham-āġhoshī aarzū

jis kā ḳhayāl hai gul-e-jeb-e-qabā-e-gul

dīvānagāñ kā chāra faroġh-e-bahār hai

hai shāḳh-e-gul meñ panja-e-ḳhūbāñ bajā.e gul

mizhgāñ talak rasā.ī-e-laḳht-e-jigar kahāñ

ai vaa.e gar nigāh na ho āshnā-e-gul

hai kis qadar halak-e-fareb-e-wafa-e-gul

bulbul ke karobar pe hain KHanda-ha-e-gul

aazadi-e-nasim mubarak ki har taraf

TuTe paDe hain halqa-e-dam-e-hawa-e-gul

jo tha so mauj-e-rang ke dhoke mein mar gaya

ai wae nala-e-lab-e-KHunin-nawa-e-gul

KHush-haal us harif-e-siyah-mast ka ki jo

rakhta ho misl-e-saya-e-gul sar-ba-pa-e-gul

ijad karti hai use tere liye bahaar

mera raqib hai nafas-e-itr-sa-e-gul

sharminda rakhte hain mujhe baad-e-bahaar se

mina-e-be-sharab o dil-e-be-hawa-e-gul

satwat se tere jalwa-e-husn-e-ghuyur ki

KHun hai meri nigah mein rang-e-ada-e-gul

tere hi jalwe ka hai ye dhoka ki aaj tak

be-iKHtiyar dauDe hai gul dar-qafa-e-gul

'ghaalib' mujhe hai us se ham-aghoshi aarzu

jis ka KHayal hai gul-e-jeb-e-qaba-e-gul

diwanagan ka chaara farogh-e-bahaar hai

hai shaKH-e-gul mein panja-e-KHuban bajae gul

mizhgan talak rasai-e-laKHt-e-jigar kahan

ai wae gar nigah na ho aashna-e-gul