hai kushada zamin nikal jaen

hai kushāda zamīñ nikal jaa.eñ

ḳhud ko DhūñDeñ kahīñ nikal jaa.eñ

ik na ik din khañDar ho jaatā hai

jis makāñ se makīñ nikal jaa.eñ

yā to siine se dil nikal jaa.e

yā to dil se hasīñ nikal jaa.eñ

ik guzārish hai mehrbānoñ se

chhoḌ deñ āstīñ nikal jaa.eñ

yā to dil dho ke aa.eñ ka.abe meñ

yā to sab zā.erīñ nikal jaa.eñ

ham mirī jaan aap ke dil se

itnā āsāñ nahīñ nikal jaa.eñ

būḌhe vālid se naujavāñ beTā

kah rahā thā kahīñ nikal jaa.eñ

terī āñkhoñ ke 'faiz' motī haiñ

ham ki aañsū nahīñ nikal jaa.eñ

hai kushada zamin nikal jaen

KHud ko DhunDen kahin nikal jaen

ek na ek din khanDar ho jata hai

jis makan se makin nikal jaen

ya to sine se dil nikal jae

ya to dil se hasin nikal jaen

ek guzarish hai mehrbanon se

chhoD den aastin nikal jaen

ya to dil dho ke aaen kabe mein

ya to sab zaerin nikal jaen

hum meri jaan aap ke dil se

itna aasan nahin nikal jaen

buDhe walid se naujawan beTa

kah raha tha kahin nikal jaen

teri aankhon ke 'faiz' moti hain

hum ki aansu nahin nikal jaen