hai makin har shai mein wo kahte ho jis ko la-makan

hai makīñ har shai meñ vo kahte ho jis ko lā-makāñ

be-basar ho tum 'sadā' tum ko nazar aa.e kahāñ

be-ḳhas-o-ḳhāshāk kab tā'mīr hoñge āshiyāñ

bā’is-e-taḳhrīb hai tū kaise kah deñ ai ḳhizāñ

laakh hai ikrām terā ham ko ai mansūr par

buuñd ko kaise batā ham kah deñ bahr-e-be-karāñ

kuchh to hai ehsās ham ko apnī kam-bīnī kā bhī

ai nazar had ko tirī ham kaise kah deñ āsmāñ

hai bashar maanā magar insāñ tujhe kaise kaheñ

kaise har patthar ko kah deñ ai 'sadā' lā’l-e-girāñ

hai makin har shai mein wo kahte ho jis ko la-makan

be-basar ho tum 'sada' tum ko nazar aae kahan

be-KHas-o-KHashak kab ta'mir honge aashiyan

ba’is-e-taKHrib hai tu kaise kah den ai KHizan

lakh hai ikram tera hum ko ai mansur par

bund ko kaise bata hum kah den bahr-e-be-karan

kuchh to hai ehsas hum ko apni kam-bini ka bhi

ai nazar had ko teri hum kaise kah den aasman

hai bashar mana magar insan tujhe kaise kahen

kaise har patthar ko kah den ai 'sada' la’l-e-giran