hai mujhko rabt bas-ki ghazalan-e-ram ke sath

hai mujh ko rabt bas-ki ġhazālān-e-ram ke saath

chaukūñ huuñ dekh saa.e ko apne qadam ke saath

hai zāt-e-haq javāhir o aġhrāz se barī

tashbīh kyā hai us ko vajūd o 'adam ke saath

kyā ain o mulk o vaz' o izāfat kā daḳhl vaañ

hai infi.āl o fe.al matā kaif-o-kam ke saath

dekhā maiñ saath Dhol ke suulī par un kā sar

faḳhriyya vo jo phirte the tabl-o-alam ke saath

dekhī ye chaah un kī añdhere kueñ ke biich

pheñkā lapeT kushte ko apne gulam ke saath

kū-e-butāñ se tauf-e-haram ko chale to ham

lekin kamāl-e-hasrat o hirmān o ġham ke saath

thiiñ apnī āñkheñ halqa-e-zanjīr kī namat

paivasta hil rahī dar-e-baitus-sanam ke saath

kahte ho vuuñ se ho ke idhar aao vuuñ chaleñ

kyā ḳhuub kyuuñ na dauḌ paḌūñ aise dam ke saath

tum aur baat maano ajī sab nazar meñ hai

dāñtoñ tale zabān dabānī qasam ke saath

ab chheḌ chhāḌ kī ġhazal 'inshā' ik aur likh

haiñ laakh shoḳhiyāñ tirī nok-e-qalam ke saath

hai mujh ko rabt bas-ki ghazalan-e-ram ke sath

chaukun hun dekh sae ko apne qadam ke sath

hai zat-e-haq jawahir o aghraaz se bari

tashbih kya hai us ko wajud o 'adam ke sath

kya ain o mulk o waz' o izafat ka daKHl wan

hai infial o feal mata kaif-o-kam ke sath

dekha main sath Dhol ke suli par un ka sar

faKHriyya wo jo phirte the tabl-o-alam ke sath

dekhi ye chah un ki andhere kuen ke bich

phenka lapeT kushte ko apne gulam ke sath

ku-e-butan se tauf-e-haram ko chale to hum

lekin kamal-e-hasrat o hirman o gham ke sath

thin apni aankhen halqa-e-zanjir ki namat

paiwasta hil rahi dar-e-baitus-sanam ke sath

kahte ho wun se ho ke idhar aao wun chalen

kya KHub kyun na dauD paDun aise dam ke sath

tum aur baat mano aji sab nazar mein hai

danton tale zaban dabani qasam ke sath

ab chheD chhaD ki ghazal 'insha' ek aur likh

hain lakh shoKHiyan teri nok-e-qalam ke sath