ہے نگاہوں میں کوہ طور میاں
ہے نگاہوں میں کوہ طور میاں
میں نہیں ہوں خدا سے دور میاں
وہ بھی تقریر کر رہے ہیں جنہیں
بولنے کا نہیں شعور میاں
لے نہ ڈوبے تری عبادت کو
زہد و تقویٰ کا یہ غرور میاں
میرے منہ میں نہیں زباں ایسی
بولتی جو ہے جی حضور میاں
رہ کے دلی میں بھی یہ لگتا ہے
اب بھی دلی بہت ہے دور میاں
ایک مقتل تھی محفل یاراں
ہم ہی ظلمت کو سمجھے نور میاں
خوب ہیں سجدہ ریزیاں تیری
نفس پر بھی تو ہو عبور میاں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
