hai rashk kyon ye hum ko sar-e-dar dekh kar

hai rashk kyoñ ye ham ko sar-e-dār dekh kar

dene haiñ baada zarf-e-qadah-ḳhvār dekh kar

ḳhud-karda-e-azal se tajallī-e-tūr ke

jhapke kī aañkh kyā tirī talvār dekh kar

āsāñ-pasandiyoñ se haiñ bezār ahl-e-ishq

chhāñTā ye marhala bhī hai dushvār dekh kar

ban jā.egā ye rishta-e-tasbīh ek din

dhokā na khā.iyo kahīñ zunnār dekh kar

is shān-e-imtiyāz ko ki ahal-e-tahā.if

momin samajh rahe haiñ hameñ ḳhvār dekh kar

jins-e-girāñ to thī nahīñ koī magar ye jaan

laa.e haiñ ham bhī raunaq-e-bāzār dekh kar

tīr-e-nigah ne kar diyā donoñ kā faisla

bāham dil-o-jigar meñ ye takrār dekh kar

ye kyā ki sajda-gāh hai har sañg-e-āstāñ

ghisnā jabīn ko ko ḳhāna-e-ḳhammār dekh kar

kuchh bhī to zabt-e-girya na shabnam se ho sakā

bulbul ko fasl-e-gul meñ giraftār dekh kar

ham ḳhāsgān-e-ahl-e-nazar aur ye qatl-e-ām

jaur-o-sitam bhī kar tū sitamgār dekh kar

har siina aaj hai tire paikāñ kā muntazir

ho intiḳhāb ai nigah-e-yār dekh kar

hai rashk kyon ye hum ko sar-e-dar dekh kar

dene hain baada zarf-e-qadah-KHwar dekh kar

KHud-karda-e-azal se tajalli-e-tur ke

jhapke ki aankh kya teri talwar dekh kar

aasan-pasandiyon se hain bezar ahl-e-ishq

chhanTa ye marhala bhi hai dushwar dekh kar

ban jaega ye rishta-e-tasbih ek din

dhoka na khaiyo kahin zunnar dekh kar

is shan-e-imtiyaz ko ki ahal-e-tahaif

momin samajh rahe hain hamein KHwar dekh kar

jins-e-giran to thi nahin koi magar ye jaan

lae hain hum bhi raunaq-e-bazar dekh kar

tir-e-nigah ne kar diya donon ka faisla

baham dil-o-jigar mein ye takrar dekh kar

ye kya ki sajda-gah hai har sang-e-astan

ghisna jabin ko ko KHana-e-KHammar dekh kar

kuchh bhi to zabt-e-girya na shabnam se ho saka

bulbul ko fasl-e-gul mein giraftar dekh kar

hum KHasgan-e-ahl-e-nazar aur ye qatl-e-am

jaur-o-sitam bhi kar tu sitamgar dekh kar

har sina aaj hai tere paikan ka muntazir

ho intiKHab ai nigah-e-yar dekh kar