hai sach to ye ki mohabbat ka haq ada na hua

hai sach to ye ki mohabbat kā haq adā na huā

sitam to tark-e-mohabbat kā ik bahāna huā

nikalte haiñ tire kūche se ab bhī jaañ kī tarah

agarche qat-e-ta.alluq kiye zamāna huā

kabhī to yuuñ thā ki imkāñ hī kyā judā.ī kā

aur ab lage ki ta.āruf bhī ġhā.ebāna huā

hujūm-e-yād mulāqāt-e-muḳhtasar kā samar

har ek lamha mah-o-sāl kā ḳhazāna huā

kisī ko ham sā kahāñ dard sabza-o-gul kā

ki is chaman meñ hamārā to āshiyāna huā

hai sach to ye ki mohabbat ka haq ada na hua

sitam to tark-e-mohabbat ka ek bahana hua

nikalte hain tere kuche se ab bhi jaan ki tarah

agarche qat-e-talluq kiye zamana hua

kabhi to yun tha ki imkan hi kya judai ka

aur ab lage ki taaruf bhi ghaebana hua

hujum-e-yaad mulaqat-e-muKHtasar ka samar

har ek lamha mah-o-sal ka KHazana hua

kisi ko hum sa kahan dard sabza-o-gul ka

ki is chaman mein hamara to aashiyana hua