aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hai shaiKH o barhaman par ghaalib guman hamara

Shauq Bahraichi

hai shaiKH o barhaman par ghaalib guman hamara

Shauq Bahraichi

MORE BYShauq Bahraichi

    hai shaiḳh o barhaman par ġhālib gumāñ hamārā

    ye jānvar na char leñ sab gulsitāñ hamārā

    thī pahle to hamārī pahchān sa.ī-e-paiham

    ab sar-barahnagī hai qaumī nishāñ hamārā

    har mulk is ke aage jhuktā hai ehtirāman

    har mulk hai father hindostāñ hamārā

    zaaġh o zaġhan sūrat mañDlāyā aa ke paiham

    custodian ne dekhā jab āshiyāñ hamārā

    makr-o-daġhā hai tum se ijz-o-ḳhulūs ham se

    vo ḳhāndāñ tumhārā ye ḳhāndāñ hamārā

    fariyād mai-kashoñ suntā nahīñ jo bilkul

    bahrā zarūr hai kuchh pīr-e-muġhāñ hamārā

    dar par hamāre gum ho har ik hasīñ to kaise

    har āstāñ se ūñchā hai āstāñ hamārā

    har tājvar is par lalchā rahī haiñ nazreñ

    hai jaise halvā sohan hindostāñ hamārā

    ho gar tumhārī marzī to bahr-e-ranj-o-ġham se

    ho jaa.e paar beḌā allāh-miyāñ hamārā

    chāh-e-zaqan se un ke sairāb to hue ham

    mīThe kuoñ se achchhā khārā kuaañ hamārā

    hoñ shaiḳh barahman sab jānte haiñ mujh ko

    hai 'shauq' nām-e-nāmī ai mehrbāñ hamārā

    hai shaiKH o barhaman par ghaalib guman hamara

    ye jaanwar na char len sab gulsitan hamara

    thi pahle to hamari pahchan sai-e-paiham

    ab sar-barahnagi hai qaumi nishan hamara

    har mulk is ke aage jhukta hai ehtiraman

    har mulk ka hai father hindostan hamara

    zagh o zaghan ki surat manDlaya aa ke paiham

    custodian ne dekha jab aashiyan hamara

    makr-o-dagha hai tum se ijz-o-KHulus hum se

    wo KHandan tumhaara ye KHandan hamara

    fariyaad mai-kashon ki sunta nahin jo bilkul

    bahra zarur hai kuchh pir-e-mughan hamara

    dar par hamare gum ho har ek hasin to kaise

    har aastan se uncha hai aastan hamara

    har tajwar ki is par lalcha rahi hain nazren

    hai jaise halwa sohan hindostan hamara

    ho gar tumhaari marzi to bahr-e-ranj-o-gham se

    ho jae par beDa allah-miyan hamara

    chah-e-zaqan se un ke sairab to hue hum

    miThe kuon se achchha khaara kuan hamara

    hon shaiKH ya barahman sab jaante hain mujh ko

    hai 'shauq' nam-e-nami ai mehrban hamara

    Source:

    intekhab-e-kalam shauq bahraichi (Pg. 117)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now