hai sina chaak har gul-e-KHandan mere liye

hai siina chaak har gul-e-ḳhandāñ mire liye

shāyad hai sogvār bahārāñ mire liye

qatre ko de ke aab mere dil ko ehtiyāj

kyā kyā uThā.e jaate haiñ tūfāñ mire liye

kal vo suneñge ziist kī kaifiyyatoñ kā zikr

rakhā gayā hai dard kā 'unvāñ mire liye

mub.ham sā vā'da aane kā phir qaid-e-intizār

ghar ko banā diyā gayā zindāñ mire liye

shāḳhoñ pe gul falak pe sitāroñ kā ehtimām

har baam se haiñ jalve numāyāñ mire liye

miltī hai ik murād to baḌhtā hai ek shauq

dām-e-balā se vus.at-e-dāmāñ mire liye

hai sina chaak har gul-e-KHandan mere liye

shayad hai sogwar bahaaran mere liye

qatre ko de ke aab mere dil ko ehtiyaj

kya kya uThae jate hain tufan mere liye

kal wo sunenge zist ki kaifiyyaton ka zikr

rakha gaya hai dard ka 'unwan mere liye

mubham sa wa'da aane ka phir qaid-e-intizar

ghar ko bana diya gaya zindan mere liye

shaKHon pe gul falak pe sitaron ka ehtimam

har baam se hain jalwe numayan mere liye

milti hai ek murad to baDhta hai ek shauq

dam-e-bala se wusat-e-daman mere liye