hai un ka wasl gauhar-e-nayab ki tarah

hai un kā vasl gauhar-e-nāyāb kī tarah

ho jaa.e hai vo iid ke mahtāb kī tarah

ai shauq-e-ishq ḳhair ho tere shabāb kī

ham ko kiye ho māhī-e-be-āb kī tarah

lillāh yuuñ na dekhiye tirchhī nigāh se

Dar hai bikhar na jā.ūñ maiñ sīmāb kī tarah

dāvat pe merī aap jo aa.e haiñ shukriya

ḳhushiyoñ ke ashk bahte haiñ sailāb kī tarah

is dil ke dasht-e-kūcha-e-vīrāñ meñ rāt-din

bhaTkā kare haiñ hasrateñ eraab kī tarah

'nirdosh' apnī zindagī hai sāz-e-ġham kā taar

aur chheḌe un kī be-ruḳhī mizrāb kī tarah

hai un ka wasl gauhar-e-nayab ki tarah

ho jae hai wo id ke mahtab ki tarah

ai shauq-e-ishq KHair ho tere shabab ki

hum ko kiye ho mahi-e-be-ab ki tarah

lillah yun na dekhiye tirchhi nigah se

Dar hai bikhar na jaun main simab ki tarah

dawat pe meri aap jo aae hain shukriya

KHushiyon ke ashk bahte hain sailab ki tarah

is dil ke dasht-e-kucha-e-viran mein raat-din

bhaTka kare hain hasraten erab ki tarah

'nirdosh' apni zindagi hai saz-e-gham ka tar

aur chheDe un ki be-ruKHi mizrab ki tarah