hai wahi daur-e-sitam mashq-e-sitam aaj bhi hai

hai vahī daur-e-sitam mashq-e-sitam aaj bhī hai

log zinda haiñ magar ziist kā ġham aaj bhī hai

kis ko fursat hai ki mazlūm ke aañsū poñchhe

vahī aañsū haiñ vahī dāman-e-nam aaj bhī hai

meherbāñ kahiye use yā ki sitamgar kahiye

har sitam us kā ba-andāz-e-karam aaj bhī hai

ḳhūn-e-mazlūm kī tārīḳh likhī hai jis se

haath meñ mere vo bebāk qalam aaj bhī hai

jaise milne hī ko hai sāya-e-dāmāñ terā

nā-umīdī meñ bhī ummīd-e-karam aaj bhī hai

ab bhī manzil pe pahuñchnā nahīñ āsān 'payām'

rahguzāroñ meñ vahī pech vo ḳham aaj bhī hai

hai wahi daur-e-sitam mashq-e-sitam aaj bhi hai

log zinda hain magar zist ka gham aaj bhi hai

kis ko fursat hai ki mazlum ke aansu ponchhe

wahi aansu hain wahi daman-e-nam aaj bhi hai

meherban kahiye use ya ki sitamgar kahiye

har sitam us ka ba-andaz-e-karam aaj bhi hai

KHun-e-mazlum ki tariKH likhi hai jis se

hath mein mere wo bebak qalam aaj bhi hai

jaise milne hi ko hai saya-e-daman tera

na-umidi mein bhi ummid-e-karam aaj bhi hai

ab bhi manzil pe pahunchna nahin aasan 'payam'

rahguzaron mein wahi pech wo KHam aaj bhi hai