hai ye shahr-e-ishq yan aab-o-hawa kuchh aur hai

hai ye shahr-e-ishq yaañ āb-o-havā kuchh aur hai

surḳh rañgat hai zamīñ kī aur fazā kuchh aur hai

yaañ junūñ hai kārvān-e-shauq ko bāñg-e-rahīl

ai musāfir ye payām-e-naqsh-e-pā kuchh aur hai

hai judā is shahr-e-dil meñ lazzat-e-ranj-o-alam

is jagah ḳhūn-e-jigar kā zā.iqa kuchh aur hai

ārif-e-kāmil haiñ in sahrāoñ ke sahrā-navard

yaañ to har majnūñ kā andāz-o-adā kuchh aur he

zikr kī tamsīl har tansīl kī ta.abīr hai

lutf-e-jannat aur hai āb-e-baqā kuchh aur hai

regzār-e-hijr meñ ehsās ke zamzam nihāñ

is jagah to tishnagī kā silsila kuchh aur hai

tū jo nau-vārid hai sun yaañ aish-e-hastī hai judā

husn kī sarkār meñ lafz-e-fanā kuchh aur hai

dosh par āġhosh meñ pahlū meñ haidar kab na the

dast-e-mursal par bulandī kā mazā kuchh aur hai

ahl-e-radd-o-kad ne sau tafsīr kī ik lafz kī

par na samjhe ki nabī kā mudda.ā kuchh aur hai

sun kisī majzūb se ek baar rūdād-e-ġhadīr

ḳhum ke mimbar par alī kā martaba kuchh aur hai

surḳh-rū ho jaa.e tujh se da.avā-e-ulfat shahāb

āshiqoñ ke zinda rahne kī adā kuchh aur hai

hai ye shahr-e-ishq yan aab-o-hawa kuchh aur hai

surKH rangat hai zamin ki aur faza kuchh aur hai

yan junun hai karwan-e-shauq ko bang-e-rahil

ai musafir ye payam-e-naqsh-e-pa kuchh aur hai

hai juda is shahr-e-dil mein lazzat-e-ranj-o-alam

is jagah KHun-e-jigar ka zaiqa kuchh aur hai

aarif-e-kaamil hain in sahraon ke sahra-naward

yan to har majnun ka andaz-o-ada kuchh aur he

zikr ki tamsil har tansil ki tabir hai

lutf-e-jannat aur hai aab-e-baqa kuchh aur hai

regzar-e-hijr mein ehsas ke zamzam nihan

is jagah to tishnagi ka silsila kuchh aur hai

tu jo nau-warid hai sun yan aish-e-hasti hai juda

husn ki sarkar mein lafz-e-fana kuchh aur hai

dosh par aaghosh mein pahlu mein haidar kab na the

dast-e-mursal par bulandi ka maza kuchh aur hai

ahl-e-radd-o-kad ne sau tafsir ki ek lafz ki

par na samjhe ki nabi ka muddaa kuchh aur hai

sun kisi majzub se ek bar rudad-e-ghadir

KHum ke mimbar par ali ka martaba kuchh aur hai

surKH-ru ho jae tujh se dawa-e-ulfat shahab

aashiqon ke zinda rahne ki ada kuchh aur hai