hain dahan ghunchon ke wa kya jaane kya kahne ko hain

haiñ dahan ġhunchoñ ke vā kyā jaane kyā kahne ko haiñ

shāyad us ko dekh kar salle-alā kahne ko haiñ

vasf-e-chashm o vasf-e-lab us yaar kā kahne ko haiñ

aaj ham dars-e-ishārāt-o-shifā kahne ko haiñ

aaj un se mudda.ī kuchh mudda.ā kahne ko haiñ

par nahīñ mālūm kyā kahveñge kyā kahne ko haiñ

jo vo qad-qāmat sadā kahne ko haiñ

aur āshiq vasf-e-qad-qāmat tirā kahne ko haiñ

pūchh aa qātil se to vo kab karegā ham ko qatl

aaj ham tārīḳh-e-marg aap ai qazā kahne ko haiñ

maiñ tire hāthoñ ke qurbāñ vaah kyā maare haiñ tiir

sab dahān-e-zaḳhm muñh se marhabā kahne ko haiñ

vo janāze par mire kis vaqt aa.e dekhnā

jab ki izn-e-ām mere aqribā kahne ko haiñ

hain dahan ghunchon ke wa kya jaane kya kahne ko hain

shayad us ko dekh kar salle-ala kahne ko hain

wasf-e-chashm o wasf-e-lab us yar ka kahne ko hain

aaj hum dars-e-ishaaraat-o-shifa kahne ko hain

aaj un se muddai kuchh muddaa kahne ko hain

par nahin malum kya kahwenge kya kahne ko hain

jo wo qad-qamat sada kahne ko hain

aur aashiq wasf-e-qad-qamat tera kahne ko hain

puchh aa qatil se to wo kab karega hum ko qatl

aaj hum tariKH-e-marg aap ai qaza kahne ko hain

main tere hathon ke qurban wah kya mare hain tir

sab dahan-e-zaKHm munh se marhaba kahne ko hain

wo janaze par mere kis waqt aae dekhna

jab ki izn-e-am mere aqriba kahne ko hain