hain ek saf mein qalandar bhi main bhi duniya bhi
haiñ ek saf meñ qalandar bhī maiñ bhī duniyā bhī
sitam-zada bhī sitamgar bhī maiñ bhī duniyā bhī
ḳhudā ke naam pe kyā kyā fareb dete haiñ
zamāna-sāz ye rahbar bhī maiñ bhī duniyā bhī
vo ek lamha ki ham sab lipaT ke ro.e the
udaas raat kā manzar bhī maiñ bhī duniyā bhī
du'ā.eñ māñgte rahte haiñ tujh se milne kī
udaas udaas mirā ghar bhī maiñ bhī duniyā bhī
safar pe nikle to aksar bhaTak ga.e jānāñ
tumhārī yaad ke lashkar bhī maiñ bhī duniyā bhī
ġhazal ke sāñche meñ Dhalte haiñ TuuT jaate haiñ
vafā kī raah ke patthar bhī maiñ bhī duniyā bhī
judā judā haiñ magar phir bhī saath haiñ 'mansūr'
mohabbatoñ ke samundar bhī maiñ bhī duniyā bhī
hain ek saf mein qalandar bhi main bhi duniya bhi
sitam-zada bhi sitamgar bhi main bhi duniya bhi
KHuda ke nam pe kya kya fareb dete hain
zamana-saz ye rahbar bhi main bhi duniya bhi
wo ek lamha ki hum sab lipaT ke roe the
udas raat ka manzar bhi main bhi duniya bhi
du'aen mangte rahte hain tujh se milne ki
udas udas mera ghar bhi main bhi duniya bhi
safar pe nikle to aksar bhaTak gae jaanan
tumhaari yaad ke lashkar bhi main bhi duniya bhi
ghazal ke sanche mein Dhalte hain TuT jate hain
wafa ki rah ke patthar bhi main bhi duniya bhi
juda juda hain magar phir bhi sath hain 'mansur'
mohabbaton ke samundar bhi main bhi duniya bhi
- Book : Kashmakash (Pg. 109)
- Author : Mansoor Usmani
- Publication : Najma House, Baradari, Moradabad (2007)
- Edition : 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
