hain ghar ki muhafiz meri dahki hui aankhen
haiñ ghar kī muhāfiz mirī dahkī huī āñkheñ
maiñ taaq meñ rakh aayā huuñ jaltī huī āñkheñ
ik pal bhī kisī moḌ pe rukne nahīñ detīñ
kāñToñ kī tarah jism meñ chubhtī huī āñkheñ
raste meñ qadam phūñk ke rakhnā mere pyāro
haiñ chāroñ taraf shahr meñ bikhrī huī āñkheñ
yuuñ us ke bichhaḌ jaane pe aañsū na bahāo
manzar ko taras jā.eñgī bhīgī huī āñkheñ
qātil ke sivā koī samajh hī nahīñ saktā
kyā dekhtī haiñ tasht meñ rakkhī huī āñkheñ
kyā jāniye kis ḳhvāb kī ta.abīr meñ gum haiñ
zulfoñ kī ghanī chhāñv meñ uljhī huī āñkheñ
'sāġhar' shab-e-tīra meñ ujāloñ kī amiiñ haiñ
nafrat ke samundar meñ ye bahtī huī āñkheñ
hain ghar ki muhafiz meri dahki hui aankhen
main taq mein rakh aaya hun jalti hui aankhen
ek pal bhi kisi moD pe rukne nahin detin
kanTon ki tarah jism mein chubhti hui aankhen
raste mein qadam phunk ke rakhna mere pyaro
hain chaaron taraf shahr mein bikhri hui aankhen
yun us ke bichhaD jaane pe aansu na bahao
manzar ko taras jaengi bhigi hui aankhen
qatil ke siwa koi samajh hi nahin sakta
kya dekhti hain tasht mein rakkhi hui aankhen
kya jaaniye kis KHwab ki tabir mein gum hain
zulfon ki ghani chhanw mein uljhi hui aankhen
'saghar' shab-e-tira mein ujalon ki amin hain
nafrat ke samundar mein ye bahti hui aankhen
- Book : Nai Pakistani Ghazal Naye Dastakhat (Pg. 22)
- Author : Nishat Shahid
- Publication : Miaar Publications K 20 C Shaikh Saraye Phase2 New Delhi (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
