hairan bahut tabish-e-husn-digaran thi

hairān bahut tābish-e-husn-dīgarāñ thī

tujh lab kī sifat lāl-e-badaḳhshāñ meñ kahāñ thī

phailā kiye dariyā-e-mohabbat ke kināre

un jhiil sī āñkhoñ meñ koī chiiz nihāñ thī

har jashn-e-tarab-nāk pe majlis kā asar thā

har uḌte hue bose meñ gard-e-ġham-e-jāñ thī

yā arz-e-yaqīñ par thī bichhī barf kī chādar

yā ghere hue phir mujhe duniyā-e-gumāñ thī

ham bārgah-e-vasl ke Thukrā.e hue log

ik sohbat-e-ayyām thī so nazr-e-fuġhāñ thī

ham zabt ke māroñ kā ajab haal thā 'sāqib'

jo baat chhupānī thī vo chehroñ se ayaañ thī

hairan bahut tabish-e-husn-digaran thi

tujh lab ki sifat lal-e-badaKHshan mein kahan thi

phaila kiye dariya-e-mohabbat ke kinare

un jhil si aankhon mein koi chiz nihan thi

har jashn-e-tarab-nak pe majlis ka asar tha

har uDte hue bose mein gard-e-gham-e-jaan thi

ya arz-e-yaqin par thi bichhi barf ki chadar

ya ghere hue phir mujhe duniya-e-guman thi

hum bargah-e-wasl ke Thukrae hue log

ek sohbat-e-ayyam thi so nazr-e-fughan thi

hum zabt ke maron ka ajab haal tha 'saqib'

jo baat chhupani thi wo chehron se ayan thi