hairan hai jabin aaj kidhar sajda rawa hai
Interesting Fact
Faiz wrote this ghazal in October 1977, a few months after General Zia ul Haq overthrew Z. A. Bhutto (July 5, 1977)
hairāñ hai jabīñ aaj kidhar sajda ravā hai
sar par haiñ ḳhudāvand sar-e-arsh ḳhudā hai
kab tak ise sīñchoge tamannā-e-samar meñ
ye sabr kā paudā to na phūlā na phalā hai
miltā hai ḳhirāj us ko tirī nān-e-javīñ se
har bādshah-e-vaqt tire dar kā gadā hai
har ek uqūbat se hai talḳhī meñ savā-tar
vo rañg jo nā-karda gunāhoñ kī sazā hai
ehsān liye kitne masīhā-nafasoñ ke
kyā kījiye dil kā na jalā hai na bujhā hai
hairan hai jabin aaj kidhar sajda rawa hai
sar par hain KHudawand sar-e-arsh KHuda hai
kab tak ise sinchoge tamanna-e-samar mein
ye sabr ka pauda to na phula na phala hai
milta hai KHiraj us ko teri nan-e-jawin se
har baadshah-e-waqt tere dar ka gada hai
har ek uqubat se hai talKHi mein sawa-tar
wo rang jo na-karda gunahon ki saza hai
ehsan liye kitne masiha-nafason ke
kya kijiye dil ka na jala hai na bujha hai
- Book : Nuskha Hai Wafa (Pg. 583)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
