halqa-e-be-talban ranj-e-giran-bari kya

halqa-e-be-talbāñ ranj-e-girāñ-bārī kyā

uTh ke chalnā hī to hai, kuuch kī tayyārī kyā

ek koshish ki ta'alluq koī baaqī rah jaa.e

so tirī chāragarī kyā mirī bīmārī kyā

tujh se kam par kisī sūrat nahīñ raazī hotā

dil-e-nādāñ ne dikhā rakkhī hai hushyārī kyā

qaid-ḳhāne se nikal aa.e to sahrā kā hisār

ham se TūTegī ye zanjīr-e-giraftārī kyā

vo bhī turfa suḳhan-ārā haiñ, chalo yuuñ hī sahī

itnī sī baat pe yāroñ kī dil-āzārī kyā

halqa-e-be-talban ranj-e-giran-bari kya

uTh ke chalna hi to hai, kuch ki tayyari kya

ek koshish ki ta'alluq koi baqi rah jae

so teri chaaragari kya meri bimari kya

tujh se kam par kisi surat nahin raazi hota

dil-e-nadan ne dikha rakkhi hai hushyari kya

qaid-KHane se nikal aae to sahra ka hisar

hum se TuTegi ye zanjir-e-giraftari kya

wo bhi turfa suKHan-ara hain, chalo yun hi sahi

itni si baat pe yaron ki dil-azari kya