halqa-e-digaran mein shamil tum

halqa-e-dīgarāñ meñ shāmil tum

kūcha-e-qātilāñ meñ shāmil tum

bazm-e-ahbāb meñ ho tum lekin

ho saf-e-dushmanāñ meñ shāmil tum

har nafas ham-kalām huuñ tum se

mere harf-o-bayāñ meñ shāmil tum

har ghaḌī ehtisāb hai merā

mere sūd-o-ziyāñ meñ shāmil tum

maiñ tumhāre vajūd kā hissa

paikar-e-jism-o-jāñ meñ shāmil tum

roz-e-mahshar guzar gayā mujh par

lamha-e-imtihāñ meñ shāmil tum

halqa-e-digaran mein shamil tum

kucha-e-qatilan mein shamil tum

bazm-e-ahbab mein ho tum lekin

ho saf-e-dushmanan mein shamil tum

har nafas ham-kalam hun tum se

mere harf-o-bayan mein shamil tum

har ghaDi ehtisab hai mera

mere sud-o-ziyan mein shamil tum

main tumhaare wajud ka hissa

paikar-e-jism-o-jaan mein shamil tum

roz-e-mahshar guzar gaya mujh par

lamha-e-imtihan mein shamil tum