hum aapko to ishq mein barbaad karenge

ham aap ko to ishq meñ barbād kareñge

tāsīr-e-vafā par tujhe kyā yaad kareñge

yaañ saḳht diloñ meñ nahīñ hamdam koī apnā

jā koh meñ farhād ko fariyād kareñge

mahrūm na rakkhegā hameñ ishq-e-butāñ se

go daad na deñ kushta-e-bedād kareñge

ai daur-e-falak mujh ko qasam sar kī hai apne

ham shaad kabhī ye dil-e-nāshād kareñge

gar silsila-e-ishq meñ farzand-e-ḳhalaf haiñ

ham ḳhāna-ḳharābī kā ghar ābād kareñge

kab pairavi-e-qais kareñ ishq o junūñ meñ

is fan meñ kuchh apnā hī ham ījād kareñge

ho halqa-ba-gosh āh-o-fuġhāñ kā mirī majnūñ

jab kaan pakaḌ yaad ham ustād kareñge

'hasrat' yūñhī āḳhir huī ye fasl bhī gul kī

kab kunj-e-qafas se hameñ āzād kareñge

hum aap ko to ishq mein barbaad karenge

tasir-e-wafa par tujhe kya yaad karenge

yan saKHt dilon mein nahin hamdam koi apna

ja koh mein farhad ko fariyaad karenge

mahrum na rakkhega hamein ishq-e-butan se

go dad na den kushta-e-bedad karenge

ai daur-e-falak mujh ko qasam sar ki hai apne

hum shad kabhi ye dil-e-nashad karenge

gar silsila-e-ishq mein farzand-e-KHalaf hain

hum KHana-KHarabi ka ghar aabaad karenge

kab pairawi-e-qais karen ishq o junun mein

is fan mein kuchh apna hi hum ijad karenge

ho halqa-ba-gosh aah-o-fughan ka meri majnun

jab kan pakaD yaad hum ustad karenge

'hasrat' yunhi aaKHir hui ye fasl bhi gul ki

kab kunj-e-qafas se hamein aazad karenge