hum aasman ko pahle zamin kahte the

ham āsmān ko pahle zamīn kahte the

hameñ farishte falak kā makīn kahte the

tū hī batā ki maiñ kyūñkar na 'ishq kartā yaar

mire buzurg mohabbat ko diin kahte the

vo sāñvlī thī magar vo kashish thī chehre meñ

hasīn log bhī us ko hasīn kahte the

hamārī 'aql pe parde paḌe mohabbat meñ

hameñ bhī log kabhī to zahīn kahte the

ab aisī baat to maiñ ‘ālimoñ se suntā huuñ

jo guzre vaqt meñ kuchh jāhilīn kahte the

hum aasman ko pahle zamin kahte the

hamein farishte falak ka makin kahte the

tu hi bata ki main kyunkar na 'ishq karta yar

mere buzurg mohabbat ko din kahte the

wo sanwli thi magar wo kashish thi chehre mein

hasin log bhi us ko hasin kahte the

hamari 'aql pe parde paDe mohabbat mein

hamein bhi log kabhi to zahin kahte the

ab aisi baat to main ‘alimon se sunta hun

jo guzre waqt mein kuchh jahilin kahte the