hum agar sach ke unhen qisse sunane lag jaen

ham agar sach ke unheñ qisse sunāne lag jaa.eñ

log to phir hameñ mahfil se uThāne lag jaa.eñ

yaad bhī aaj nahīñ Thiik tarah se jo shaḳhs

ham use bhūlnā chāheñ to zamāne lag jaa.eñ

shaam hote hī koī ḳhushbū darīcha khole

aur phir biite hue lamhe satāne lag jaa.eñ

ḳhud charāġhoñ ko añdheroñ kī zarūrat hai bahut

raushnī ho to unheñ log bujhāne lag jaa.eñ

ik yahī soch bichhaḌne nahīñ detī tujh se

ham tujhe baa'd meñ phir yaad na aane lag jaa.eñ

ek muddat se ye tanhā.ī meñ jaage hue log

ḳhvāb dekheñ to nayā shahr basāne lag jaa.eñ

hum agar sach ke unhen qisse sunane lag jaen

log to phir hamein mahfil se uThane lag jaen

yaad bhi aaj nahin Thik tarah se jo shaKHs

hum use bhulna chahen to zamane lag jaen

sham hote hi koi KHushbu daricha khole

aur phir bite hue lamhe satane lag jaen

KHud charaghon ko andheron ki zarurat hai bahut

raushni ho to unhen log bujhane lag jaen

ek yahi soch bichhaDne nahin deti tujh se

hum tujhe ba'd mein phir yaad na aane lag jaen

ek muddat se ye tanhai mein jage hue log

KHwab dekhen to naya shahr basane lag jaen