hum apne aapko aise ganwane lagte hain

ham apne aap ko aise gañvāne lagte haiñ

bahut ḳhushī ho to mātam manāne lagte haiñ

akelā-pan hai aur aisā akelā-pan jis meñ

koī jo pūchh le kuchh sab batāne lagte haiñ

samajh meñ aatā nahīñ jab koī savāl hameñ

bahāne-bāz haiñ ham gungunāne lagte haiñ

vo baat dekhte haiñ dil nahīñ samajhte haiñ

maiñ jaao kahtā huuñ to log jaane lagte haiñ

bas ek baar hameñ vo pukār letā hai

badan kī qaid meñ ham chhaTpaTāne lagte haiñ

kisī kisī pe hī ab e'tibār hotā hai

kisī kisī ke hī ham log shāne lagte haiñ

ye chand dost bulāne pe bhī nahīñ aate

maiñ jab bulātā nahīñ huuñ to aane lagte haiñ

idhar se aa.e to tujh tak ham aa ga.e jaldī

udhar se aane meñ varna zamāne lagte haiñ

hamārī raat kā ik vaqt tai hai jis meñ ham

tamām bichhḌe huoñ ko bulāne lagte haiñ

hum apne aap ko aise ganwane lagte hain

bahut KHushi ho to matam manane lagte hain

akela-pan hai aur aisa akela-pan jis mein

koi jo puchh le kuchh sab batane lagte hain

samajh mein aata nahin jab koi sawal hamein

bahane-baz hain hum gungunane lagte hain

wo baat dekhte hain dil nahin samajhte hain

main jao kahta hun to log jaane lagte hain

bas ek bar hamein wo pukar leta hai

badan ki qaid mein hum chhaTpaTane lagte hain

kisi kisi pe hi ab e'tibar hota hai

kisi kisi ke hi hum log shane lagte hain

ye chand dost bulane pe bhi nahin aate

main jab bulata nahin hun to aane lagte hain

idhar se aae to tujh tak hum aa gae jaldi

udhar se aane mein warna zamane lagte hain

hamari raat ka ek waqt tai hai jis mein hum

tamam bichhDe huon ko bulane lagte hain