hum apne aapko ek masala bana na sake

ham apne aap ko ik mas.ala banā na sake

isī liye to kisī kī nazar meñ aa na sake

ham āñsuoñ kī tarah vāste nibhā na sake

rahe jin āñkhoñ meñ un meñ hī ghar banā na sake

phir āñdhiyoñ ne sikhāyā vahāñ safar kā hunar

jahāñ charāġh hameñ rāsta dikhā na sake

jo pesh pesh the bastī bachāne vāloñ meñ

lagī jab aag to apnā bhī ghar bachā na sake

mire ḳhudā kisī aisī jagah use rakhnā

jahāñ koī mire baare meñ kuchh batā na sake

tamām umr kī koshish kā bas yahī hāsil

kisī ko apne mutābiq koī banā na sake

tasalliyoñ pe bahut din jiyā nahīñ jaatā

kuchh aisā ho ke tirā e.atibār aa na sake

hum apne aap ko ek masala bana na sake

isi liye to kisi ki nazar mein aa na sake

hum aansuon ki tarah waste nibha na sake

rahe jin aankhon mein un mein hi ghar bana na sake

phir aandhiyon ne sikhaya wahan safar ka hunar

jahan charagh hamein rasta dikha na sake

jo pesh pesh the basti bachane walon mein

lagi jab aag to apna bhi ghar bacha na sake

mere KHuda kisi aisi jagah use rakhna

jahan koi mere bare mein kuchh bata na sake

tamam umr ki koshish ka bas yahi hasil

kisi ko apne mutabiq koi bana na sake

tasalliyon pe bahut din jiya nahin jata

kuchh aisa ho ke tera eatibar aa na sake