hum apne aapko itna badal nahin sakte

ham apne aap ko itnā badal nahīñ sakte

tumhāre kahne se chehra badal nahīñ sakte

badalnā chāheñ agar kyā badal nahīñ sakte

magar jo haal hai dil kā badal nahīñ sakte

tumhāre vāste ya.anī badal chuke haiñ bahut

ab aur ḳhud ko ziyāda badal nahīñ sakte

ajiib log haiñ duniyā badalnā chāhte haiñ

magar vo ḳhud ko zarā sā badal nahīñ sakte

Dare hue haiñ samundar mirī ravānī se

magar vo chaah ke rasta badal nahīñ sakte

hamārī zaat ko muddat meñ ye huā hai nasīb

ab apne jiine kā lahja badal nahīñ sakte

alāva dukh ke tirī qismatoñ meñ ham bhī haiñ

nasīb terā lihāzā badal nahīñ sakte

vo ek duuje se āñkheñ badalte rahte haiñ

jo log roz kā ronā badal nahīñ sakte

badal rahā hai ravayya zarā zarā hī sahī

ab ek din meñ to saarā badal nahīñ sakte

hum apne aap ko itna badal nahin sakte

tumhaare kahne se chehra badal nahin sakte

badalna chahen agar kya badal nahin sakte

magar jo haal hai dil ka badal nahin sakte

tumhaare waste yani badal chuke hain bahut

ab aur KHud ko ziyaada badal nahin sakte

ajib log hain duniya badalna chahte hain

magar wo KHud ko zara sa badal nahin sakte

Dare hue hain samundar meri rawani se

magar wo chah ke rasta badal nahin sakte

hamari zat ko muddat mein ye hua hai nasib

ab apne jine ka lahja badal nahin sakte

alawa dukh ke teri qismaton mein hum bhi hain

nasib tera lihaza badal nahin sakte

wo ek duje se aankhen badalte rahte hain

jo log roz ka rona badal nahin sakte

badal raha hai rawayya zara zara hi sahi

ab ek din mein to sara badal nahin sakte