hum apne aap pe qabu jo pa gae hote

ham apne aap pe qaabū jo pā ga.e hote

jo pal rahī hai vo nafrat miTā ga.e hote

baḌe salīqe se bāñTā hai ham faqīhoñ ko

ham ek hote to duniyā pe chhā ga.e hote

ye bhuuk pyaas hamāre gharoñ kī raunaq thī

jo yaad rakhte to ham ghar meñ aa ga.e hote

kisī kī talḳh-kalāmī muaaf kar dete

lagī hai aag jo ghar meñ bujhā ga.e hote

ye chehrā aaj asar dekh ham nahīñ paate

ham in kī haañ meñ agar haañ milā ga.e hote

hum apne aap pe qabu jo pa gae hote

jo pal rahi hai wo nafrat miTa gae hote

baDe saliqe se banTa hai hum faqihon ko

hum ek hote to duniya pe chha gae hote

ye bhuk pyas hamare gharon ki raunaq thi

jo yaad rakhte to hum ghar mein aa gae hote

kisi ki talKH-kalami muaf kar dete

lagi hai aag jo ghar mein bujha gae hote

ye chehra aaj asar dekh hum nahin pate

hum in ki han mein agar han mila gae hote