hum apne zehn par pahle use tari karenge

ham apne zehn par pahle use taarī kareñge

phir is ke ba.ad apne qalb ko jaarī kareñge

ham apne zāhir o bātin kā andāza lagā leñ

phir us ke sāmne jaane kī tayyārī kareñge

mohabbat ham se us ko ho ga.ī to Thiik varna

ham apnī saakh rakhne ko adākārī kareñge

ab aisī muflisī meñ kyā kahīñ ho ānā-jānā

magar kab tak ham us se uzr-e-bīmārī kareñge

mire kis kaam ke haiñ ab ye kavve aur kabūtar

abas barbād ghar kī chār-dīvārī kareñge

bahut achchhā tirī qurbat meñ guzrā aaj kā din

bas ab ghar jā.eñge aur kal kī tayyārī kareñge

yahāñ ab log 'mohsin' zindagī karte kahāñ haiñ

zarā se dukh meñ ro.eñge azā-dārī kareñge

hum apne zehn par pahle use tari karenge

phir is ke baad apne qalb ko jari karenge

hum apne zahir o baatin ka andaza laga len

phir us ke samne jaane ki tayyari karenge

mohabbat hum se us ko ho gai to Thik warna

hum apni sakh rakhne ko adakari karenge

ab aisi muflisi mein kya kahin ho aana-jaana

magar kab tak hum us se uzr-e-bimari karenge

mere kis kaam ke hain ab ye kawwe aur kabutar

abas barbaad ghar ki chaar-diwari karenge

bahut achchha teri qurbat mein guzra aaj ka din

bas ab ghar jaenge aur kal ki tayyari karenge

yahan ab log 'mohsin' zindagi karte kahan hain

zara se dukh mein roenge aza-dari karenge