hum bayabanon mein ghume shahr ki saDkon pe Tahle
ham bayābānoñ meñ ghūme shahr kī saḌkoñ pe Tahle
dil kisī sūrat to sañbhle dil kisī sūrat to bahle
zindagī ke rāste meñ do-ghaḌī kā saath hai ye
apne man kī maiñ bhī kah luuñ apne man kī tū bhī kah le
goyā zinda rahnā bhī ik jurm tere shahr meñ thā
ham har ik aahaT pe larze ham har ik dhaḌkan pe dahle
ab to tā-hadd-e-nazar vīrāniyāñ phailī huī haiñ
ghar kā ye be-dar ḳharāba kitnā thā ābād pahle
vaqt aisā aa gayā hai ḳhāmushī behtar hai 'munzir'
baat jo kahtā hai sun le choT jo lagtī hai sah le
hum bayabanon mein ghume shahr ki saDkon pe Tahle
dil kisi surat to sanbhle dil kisi surat to bahle
zindagi ke raste mein do-ghaDi ka sath hai ye
apne man ki main bhi kah lun apne man ki tu bhi kah le
goya zinda rahna bhi ek jurm tere shahr mein tha
hum har ek aahaT pe larze hum har ek dhaDkan pe dahle
ab to ta-hadd-e-nazar viraniyan phaili hui hain
ghar ka ye be-dar KHaraba kitna tha aabaad pahle
waqt aisa aa gaya hai KHamushi behtar hai 'munzir'
baat jo kahta hai sun le choT jo lagti hai sah le
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
