hum dekhen kis din husn ai dil us rashk-e-pari ka dekhenge
hum dekhen kis din husn ai dil us rashk-e-pari ka dekhenge
Nazeer Akbarabadi
MORE BYNazeer Akbarabadi
ham dekheñ kis din husn ai dil us rashk-e-parī kā dekheñge
vo qad vo kamar vo chashm vo lab vo zulf vo mukhḌā dekheñge
mat dekh butoñ kī abrū ko haT yaañ se tū ai dil varna tujhe
ek aan meñ bismil kar deñge aur aap tamāshā dekheñge
dil de kar ham ne aaj use hī dekhī sūrat tevrī kī
ye shakl rahī to ai hamdam kal dekheñ kyā kyā dekheñge
jab dekhī us kī chīn-e-jabīñ yuuñ ham ne 'nazīr' us but se kahā
ḳhair aap to ham se nā-ḳhush haiñ ab aur ko ham jā dekheñge
kyā lutf rahā is chāhat meñ jo ham chāheñ aur tum ho ḳhafā
ye baat sunī to vo chanchal yuuñ hañs kar bolā dekheñge
hum dekhen kis din husn ai dil us rashk-e-pari ka dekhenge
wo qad wo kamar wo chashm wo lab wo zulf wo mukhDa dekhenge
mat dekh buton ki abru ko haT yan se tu ai dil warna tujhe
ek aan mein bismil kar denge aur aap tamasha dekhenge
dil de kar hum ne aaj use hi dekhi surat tewri ki
ye shakl rahi to ai hamdam kal dekhen kya kya dekhenge
jab dekhi us ki chin-e-jabin yun hum ne 'nazir' us but se kaha
KHair aap to hum se na-KHush hain ab aur ko hum ja dekhenge
kya lutf raha is chahat mein jo hum chahen aur tum ho KHafa
ye baat suni to wo chanchal yun hans kar bola dekhenge
Source:
Deewan-e-Nazeer Akbarabadi (Pg. page-154 ebook-267)
-
- Edition: 1942
- Publisher: Anjuman Taraqqi Urdu (Hind), Delhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.