hum dil-e-zohra-washan mein Khaaliq-e-andesh hain

ham dil-e-zohra-vashāñ meñ ḳhāliq-e-andesh haiñ

go ḳharābātī sahī jibrīl ke ham-pesha haiñ

pairvī-e-vā.izān-e-shahr meñ buzdil haiñ ham

aur ġhazāloñ kā ta.āqub ho to sher-e-besha haiñ

jāniye kyā kyā madārij aur bhī karne haiñ tai

ham abhī zehn-e-ḳhudā-vandī meñ ik andesha haiñ

ḳhisht-o-sañg-e-nā-tarāshīda se ubhrā ḳhadd-e-husn

mai-gusāroñ kī nigāheñ haiñ ki zarb-e-tesha haiñ

ham nahīñ haiñ kohkan lekin hamārī yādgār

vaqt ke koh-e-girāñ par kuchh nuqūsh-e-tesha haiñ

hum dil-e-zohra-washan mein KHaliq-e-andesh hain

go KHarabaati sahi jibril ke ham-pesha hain

pairwi-e-waizan-e-shahr mein buzdil hain hum

aur ghazalon ka taaqub ho to sher-e-besha hain

jaaniye kya kya madarij aur bhi karne hain tai

hum abhi zehn-e-KHuda-wandi mein ek andesha hain

KHisht-o-sang-e-na-tarashida se ubhra KHadd-e-husn

mai-gusaron ki nigahen hain ki zarb-e-tesha hain

hum nahin hain kohkan lekin hamari yaadgar

waqt ke koh-e-giran par kuchh nuqush-e-tesha hain