ham-dosh-e-arzu jo na ‘azm-e-jawan rahe

ham-dosh-e-ārzū jo na ‘azm-e-javāñ rahe

manzil rahe koī na koī kārvāñ rahe

rūhoñ ke ek ḳhaas ta'alluq ke bāvajūd

jismoñ ke fāsle bhī sadā darmiyāñ rahe

soz-e-ḳhulūs dard-e-mohabbat ġham-e-vafā

ye qāfila bhī saath rahā ham jahāñ rahe

ham ‘ālam-e-ḳhayāl se aage na baḌh sake

jab tak ḳharāb-e-manzil-e-vahm-o-gumāñ rahe

ai inqalāb-e-nau tirī raftār dekh kar

ḳhud ham bhī sochte haiñ ki ab tak kahāñ rahe

go manzil-e-hayāt bahut saḳht hai magar

'shaukat' hujūm-e-ġham meñ bhī ham shādmāñ rahe

ham-dosh-e-arzu jo na ‘azm-e-jawan rahe

manzil rahe koi na koi karwan rahe

ruhon ke ek KHas ta'alluq ke bawajud

jismon ke fasle bhi sada darmiyan rahe

soz-e-KHulus dard-e-mohabbat gham-e-wafa

ye qafila bhi sath raha hum jahan rahe

hum ‘alam-e-KHayal se aage na baDh sake

jab tak KHarab-e-manzil-e-wahm-o-guman rahe

ai inqalab-e-nau teri raftar dekh kar

KHud hum bhi sochte hain ki ab tak kahan rahe

go manzil-e-hayat bahut saKHt hai magar

'shaukat' hujum-e-gham mein bhi hum shadman rahe