hum doston ke lutf-o-karam dekhte rahe

ham dostoñ ke lutf-o-karam dekhte rahe

hote rahe jo dil pe sitam dekhte rahe

ḳhāmosh qahqahoñ meñ bhī ġham dekhte rahe

duniyā na dekh paa.ī jo ham dekhte rahe

allāh-re josh-e-ishq ki uThtī jidhar nazar

tum ko hī bas ḳhudā kī qasam dekhte rahe

nāgāh paḌ ga.ī jo kahīñ un pe ik nazar

tā-der apne aap ko ham dekhte rahe

ham ne to baḌh ke chuum liyā āstān-e-yār

hasrat se ham ko dair o haram dekhte rahe

jo saath mere chal na sake rāh-e-shauq meñ

vo sirf mere naqsh-e-qadam dekhte rahe

barsoñ ke ba.ad un se mile bhī to is tarah

pahroñ vo ham ko aur unheñ ham dekhte rahe

har shaam ek ḳhvāb-e-sahar meñ guzār dī

har sub.h ek shām-e-alam dekhte rahe

chalte hī daur-e-jām jo ahl-e-nigāh the

kis kis kī āstīn thī nam dekhte rahe

sab kuchh vahī thā phir bhī gulistāñ meñ aaj ham

kyā shai thī ho ga.ī hai jo kam dekhte rahe

bastī meñ log aise bhī haiñ kuchh base hue

aayā jidhar se tīr-e-sitam dekhte rahe

aa.e the apne chāhne vāloñ ko dekhne

kitnā hai kis marīz meñ dam dekhte rahe

hum doston ke lutf-o-karam dekhte rahe

hote rahe jo dil pe sitam dekhte rahe

KHamosh qahqahon mein bhi gham dekhte rahe

duniya na dekh pai jo hum dekhte rahe

allah-re josh-e-ishq ki uThti jidhar nazar

tum ko hi bas KHuda ki qasam dekhte rahe

nagah paD gai jo kahin un pe ek nazar

ta-der apne aap ko hum dekhte rahe

hum ne to baDh ke chum liya aastan-e-yar

hasrat se hum ko dair o haram dekhte rahe

jo sath mere chal na sake rah-e-shauq mein

wo sirf mere naqsh-e-qadam dekhte rahe

barson ke baad un se mile bhi to is tarah

pahron wo hum ko aur unhen hum dekhte rahe

har sham ek KHwab-e-sahar mein guzar di

har subh ek sham-e-alam dekhte rahe

chalte hi daur-e-jam jo ahl-e-nigah the

kis kis ki aastin thi nam dekhte rahe

sab kuchh wahi tha phir bhi gulistan mein aaj hum

kya shai thi ho gai hai jo kam dekhte rahe

basti mein log aise bhi hain kuchh base hue

aaya jidhar se tir-e-sitam dekhte rahe

aae the apne chahne walon ko dekhne

kitna hai kis mariz mein dam dekhte rahe