hum dur dur ho ke bhi hote hain aas-pas

ham duur duur ho ke bhī hote haiñ ās-pās

paate dayār-e-ġhair meñ khote haiñ ās-pās

hai be-ḳhudī ki tark-e-ta.alluq na pūchhiyo

tanhā.ī ke gazīda haiñ hote haiñ ās-pās

koī nahīñ hai shahr-e-ḳhamoshāñ meñ yār-dost

sab apne aap hañste haiñ rote haiñ ās-pās

kyā kījiye nifāq-o-hasad kīna-parvarī

karte kashīd haiñ kahīñ bote haiñ ās-pās

dil ke ta.alluqāt haiñ dil ke ta.alluqāt

yaañ dil se ġhair ġhair bhī sote haiñ ās-pās

hai mail sab jahāñ kā huā us taraf hī jam.a

jo kuchh bhī gard-e-rāh hai dhote haiñ ās-pās

hum dur dur ho ke bhi hote hain aas-pas

pate dayar-e-ghair mein khote hain aas-pas

hai be-KHudi ki tark-e-talluq na puchhiyo

tanhai ke gazida hain hote hain aas-pas

koi nahin hai shahr-e-KHamoshan mein yar-dost

sab apne aap hanste hain rote hain aas-pas

kya kijiye nifaq-o-hasad kina-parwari

karte kashid hain kahin bote hain aas-pas

dil ke talluqat hain dil ke talluqat

yan dil se ghair ghair bhi sote hain aas-pas

hai mail sab jahan ka hua us taraf hi jama

jo kuchh bhi gard-e-rah hai dhote hain aas-pas