hum hain aur zabt-e-fughan hai aaj-kal
ham haiñ aur zabt-e-fuġhāñ hai āj-kal
sabr kā phir imtihāñ hai āj-kal
ham se rūThā hai to phir kis se hai ḳhush
kis pe āḳhir mehrbāñ hai āj-kal
dil bhī pazhmurda hai āñkheñ muzmahil
yaad bas terī javāñ hai āj-kal
ek va.ade par miTā dī zindagī
ham sā dīvāna kahāñ hai āj-kal
ghir ga.e ham vaqt ke tūfān meñ
ai ġham-e-jānāñ kahāñ hai āj-kal
multafit gulchīñ haiñ na sayyād ḳhush
barq bhī nā-mehrbāñ hai āj-kal
ek to mushkil vafā ke marhale
aur phir dushman jahāñ hai āj-kal
dil shikasta ek 'afshāñ hī nahīñ
kaun hai jo naġhma-ḳhvāñ hai āj-kal
hum hain aur zabt-e-fughan hai aaj-kal
sabr ka phir imtihan hai aaj-kal
hum se ruTha hai to phir kis se hai KHush
kis pe aaKHir mehrban hai aaj-kal
dil bhi pazhmurda hai aankhen muzmahil
yaad bas teri jawan hai aaj-kal
ek wade par miTa di zindagi
hum sa diwana kahan hai aaj-kal
ghir gae hum waqt ke tufan mein
ai gham-e-jaanan kahan hai aaj-kal
multafit gulchin hain na sayyaad KHush
barq bhi na-mehrban hai aaj-kal
ek to mushkil wafa ke marhale
aur phir dushman jahan hai aaj-kal
dil shikasta ek 'afshan hi nahin
kaun hai jo naghma-KHwan hai aaj-kal
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
