hum hain mushtaq-e-jawab aur tum ho ulfat sin baid

ham haiñ mushtāq-e-javāb aur tum ho ulfat siiñ ba.iid

naqd-e-dil gar tum kuuñ pahuñchā hai to bhijvā dev rasīd

baaġh meñ ham mar ga.e mahrūm-e-vasl-e-gul-badan

haiñ hamāre aaj phuul aur bulbuloñ ke haq meñ iid

lashkar-e-qalb-e-saf-e-ushshāq meñ hai ġhalġhala

yakka-tāz-e-āh kuuñ kis ne kiyā hai nā-rasīd

husn kuuñ hai naqd-e-nāz aur ishq kuuñ jins-e-niyāz

phir abas shikva hai ye saudā huā hai ḳhush-ḳharīd

baaġh siiñ gulchīñ chalā tab bulbuloñ ne ġhul kiyā

hazrat-e-gul kuuñ kiyā jaatā hai ye kāfir shahīd

rah-navardān-e-junūñ kuuñ fatahyāb-e-faiz hai

ābloñ ke qufl ko ḳhār-e-bayābāñ hai kalīd

but-parastoñ kuuñ hai īmān-e-haqīqī vasl-e-but

barg-e-gul hai bulbuloñ kuuñ jild-e-qur.ān-majīd

nūr-e-jāñ fānūs-e-jismī siiñ judā kab hai 'sirāj'

sho.ala tār-e-sham.a siiñ kahtā hai min-hablil-varīd

hum hain mushtaq-e-jawab aur tum ho ulfat sin baid

naqd-e-dil gar tum kun pahuncha hai to bhijwa dew rasid

bagh mein hum mar gae mahrum-e-wasl-e-gul-badan

hain hamare aaj phul aur bulbulon ke haq mein id

lashkar-e-qalb-e-saf-e-ushshaq mein hai ghalghala

yakka-taz-e-ah kun kis ne kiya hai na-rasid

husn kun hai naqd-e-naz aur ishq kun jins-e-niyaz

phir abas shikwa hai ye sauda hua hai KHush-KHarid

bagh sin gulchin chala tab bulbulon ne ghul kiya

hazrat-e-gul kun kiya jata hai ye kafir shahid

rah-nawardan-e-junun kun fatahyab-e-faiz hai

aablon ke qufl ko KHar-e-bayaban hai kalid

but-paraston kun hai iman-e-haqiqi wasl-e-but

barg-e-gul hai bulbulon kun jild-e-quran-majid

nur-e-jaan fanus-e-jismi sin juda kab hai 'siraj'

shoala tar-e-shama sin kahta hai min-hablil-warid