hum hain sar-ta-ba-pa tamanna

ham haiñ sar-tā-ba-pā tamannā

kaisī ummīd kyā tamannā

ho kitnī hī ḳhush-gavār phir bhī

hai dil ke liye balā tamannā

dete ho payām-e-ārzū tum

jab tark maiñ kar chukā tamannā

duniyā ko fareb de rahī hai

jalva hai sarāb kā tamannā

apnī manzil pe ham na pahuñche

jab tak rahī rahnumā tamannā

mābain-e-nigāh-o-jalva-e-husn

hai ek hijāb sā tamannā

uljhā rahā aarzū meñ ġhāfil

kyuuñ ḳhud hī na ban gayā tamannā

āvāz to do kise pukārūñ

tum ho mire dil meñ yā tamannā

'sīmāb' ma.āl-e-shauq mālūm

am-lil-insān-e-mā-tamannā

hum hain sar-ta-ba-pa tamanna

kaisi ummid kya tamanna

ho kitni hi KHush-gawar phir bhi

hai dil ke liye bala tamanna

dete ho payam-e-arzu tum

jab tark main kar chuka tamanna

duniya ko fareb de rahi hai

jalwa hai sarab ka tamanna

apni manzil pe hum na pahunche

jab tak rahi rahnuma tamanna

mabain-e-nigah-o-jalwa-e-husn

hai ek hijab sa tamanna

uljha raha aarzu mein ghafil

kyun KHud hi na ban gaya tamanna

aawaz to do kise pukarun

tum ho mere dil mein ya tamanna

'simab' maal-e-shauq malum

am-lil-insan-e-ma-tamanna