hum ho gae shahid ye eazaz to mila

ham ho ga.e shahīd ye e.azāz to milā

ahl-e-junūñ ko nukta-e-āġhāz to milā

ham ko jo san rahā hai vo muḳhbir sahī magar

mahfil meñ koī gosh-bar-āvāz to milā

vo kārvān-e-shab kā huā āḳhirī charāġh

lo shaiḳh ko ye mansab-e-mumtāz to milā

ham auliyā nahīñ the jo dil pherte magar

us ko bhī guftugū kā ik andāz to milā

ham ḳhud hī be-sure the qasīda na paḌh sake

is bazm meñ ishāra-e-āvāz to milā

ḳhālid ye rañg-e-shahr na thā ham se peshtar

sad-shukr kargasoñ ko koī baaz to milā

hum ho gae shahid ye eazaz to mila

ahl-e-junun ko nukta-e-aghaz to mila

hum ko jo san raha hai wo muKHbir sahi magar

mahfil mein koi gosh-bar-awaz to mila

wo karwan-e-shab ka hua aaKHiri charagh

lo shaiKH ko ye mansab-e-mumtaz to mila

hum auliya nahin the jo dil pherte magar

us ko bhi guftugu ka ek andaz to mila

hum KHud hi be-sure the qasida na paDh sake

is bazm mein ishaara-e-awaz to mila

KHalid ye rang-e-shahr na tha hum se peshtar

sad-shukr kargason ko koi baz to mila