hum jaise tegh-e-zulm se Dar bhi gae to kya

ham jaise teġh-e-zulm se Dar bhī ga.e to kyā

kuchh vo bhī haiñ jo kahte haiñ sar bhī ga.e to kyā

uThtī raheñgī dard kī Tīseñ tamām umr

haiñ zaḳhm tere haath ke bhar bhī ga.e to kyā

haiñ kaun se bahār ke din apne muntazir

ye din kisī tarah se guzar bhī ga.e to kyā

ik makr hī thā aap kā īfā-e-ahd bhī

apne kahe se aaj mukar bhī ga.e to kyā

ham to isī tarah se phireñge ḳharāb-hāl

ye sher tere dil meñ utar bhī ga.e to kyā

'bāsir' tumheñ yahāñ kā abhī tajraba nahīñ

bīmār ho? paḌe raho, mar bhī ga.e to kyā

hum jaise tegh-e-zulm se Dar bhi gae to kya

kuchh wo bhi hain jo kahte hain sar bhi gae to kya

uThti rahengi dard ki Tisen tamam umr

hain zaKHm tere hath ke bhar bhi gae to kya

hain kaun se bahaar ke din apne muntazir

ye din kisi tarah se guzar bhi gae to kya

ek makr hi tha aap ka ifa-e-ahd bhi

apne kahe se aaj mukar bhi gae to kya

hum to isi tarah se phirenge KHarab-haal

ye sher tere dil mein utar bhi gae to kya

'basir' tumhein yahan ka abhi tajraba nahin

bimar ho? paDe raho, mar bhi gae to kya