hum jo aah-o-fughan nahin karte

ham jo āh-o-fuġhāñ nahīñ karte

aap kā imtihāñ nahīñ karte

jān-o-dil de ke āshiqāñ ġhayyūr

nāz-bardāriyāñ nahīñ karte

roz nā-meharbāniyāñ ham par

yuuñ to ai mehrbāñ nahīñ karte

jins-e-nāyāb hai dil-e-betāb

phir bhī is ko garāñ nahīñ karte

aql ko kyuuñ batā.eñ ishq kā raaz

ġhair ko rāz-dāñ nahīñ karte

zindagānī hai aan par marnā

mard parvā-e-jāñ nahīñ karte

yād-e-ayyām-e-shauq se 'mahrūm'

dil ko ab ham tapāñ nahīñ karte

hum jo aah-o-fughan nahin karte

aap ka imtihan nahin karte

jaan-o-dil de ke aashiqan ghayyur

naz-bardariyan nahin karte

roz na-meharbaniyan hum par

yun to ai mehrban nahin karte

jins-e-nayab hai dil-e-betab

phir bhi is ko garan nahin karte

aql ko kyun bataen ishq ka raaz

ghair ko raaz-dan nahin karte

zindagani hai aan par marna

mard parwa-e-jaan nahin karte

yaad-e-ayyam-e-shauq se 'mahrum'

dil ko ab hum tapan nahin karte