hum kaamyab ho ke bhi nakaam rah gae

ham kāmyāb ho ke bhī nākām rah ga.e

iz.hār kuchh huā bhī to ib.hām rah ga.e

āzād ho ke juuñ hī khule mere bāl-o-par

mujh par khulā ki paañv tah-e-dām rah ga.e

maiñ de sakā na un ko kisī tajrabe kī aañch

afsos kuchh ḳhayāl mire ḳhaam rah ga.e

kartī rahī zabāñ mirī be-dast-o-pā mujhe

bātoñ meñ 'umr biit ga.ī kaam rah ga.e

maiñ raah dekhtā rahā yāroñ kī sub.h tak

'bāsir' bhare-bharā.e mire jaam rah ga.e

hum kaamyab ho ke bhi nakaam rah gae

izhaar kuchh hua bhi to ibham rah gae

aazad ho ke jun hi khule mere baal-o-par

mujh par khula ki panw tah-e-dam rah gae

main de saka na un ko kisi tajrabe ki aanch

afsos kuchh KHayal mere KHam rah gae

karti rahi zaban meri be-dast-o-pa mujhe

baaton mein 'umr bit gai kaam rah gae

main rah dekhta raha yaron ki subh tak

'basir' bhare-bharae mere jam rah gae