hum kahan hain ye pata lo tum bhi

ham kahāñ haiñ ye patā lo tum bhī

baat aadhī to sambhālo tum bhī

dil lagāyā hī nahīñ thā tum ne

dil-lagī kī thī mazā lo tum bhī

ham ko āñkhoñ meñ na aañjo lekin

ḳhud ko ḳhud par to sajā lo tum bhī

jism kī niiñd meñ sone vāloñ

ruuh meñ ḳhvāb to paalo tum bhī

hum kahan hain ye pata lo tum bhi

baat aadhi to sambhaalo tum bhi

dil lagaya hi nahin tha tum ne

dil-lagi ki thi maza lo tum bhi

hum ko aankhon mein na aanjo lekin

KHud ko KHud par to saja lo tum bhi

jism ki nind mein sone walon

ruh mein KHwab to palo tum bhi