hum kar chuke jab nur se tamir KHuda ki

ham kar chuke jab nuur se ta.amīr ḳhudā kī

phir chāroñ taraf ḳhuub kī tash.hīr ḳhudā kī

duniyā huī ābād magar vo rahā tanhā

majbūr hai kyā kījiye taqdīr ḳhudā kī

dekhe na sune baat jo ushshāq kī apne

is but meñ nazar aatī hai tasvīr ḳhudā kī

mullā ne rivāyāt-o-hikāyāt baḌhā.īñ

tafsīr meñ gum ho ga.ī tahrīr ḳhudā kī

yak-jān hue ādam-o-iblīs ke aage

aksar nahīñ chaltī koī tadbīr ḳhudā kī

hum kar chuke jab nur se tamir KHuda ki

phir chaaron taraf KHub ki tashhir KHuda ki

duniya hui aabaad magar wo raha tanha

majbur hai kya kijiye taqdir KHuda ki

dekhe na sune baat jo ushshaq ki apne

is but mein nazar aati hai taswir KHuda ki

mulla ne riwayat-o-hikayat baDhain

tafsir mein gum ho gai tahrir KHuda ki

yak-jaan hue aadam-o-iblis ke aage

aksar nahin chalti koi tadbir KHuda ki