hum ki chehre pe na lae kabhi virani ko

ham ki chehre pe na laa.e kabhī vīrānī ko

kyā ye kaafī nahīñ zālim tirī hairānī ko

kār-e-farhād se ye kam to nahīñ jo ham ne

aañkh se dil kī taraf moḌ diyā paanī ko

shīsha-e-shauq pe tū sañg-e-malāmat na girā

aks-e-gul-rañg hī kaafī hai girāñ-bānī ko

dāman-e-chashm meñ taarā hai na jugnū koī

dekh ai dost mirī be-sar-o-sāmānī ko

tū ruke yā na ruke faisla tujh par chhoḌā

dil ne dar khol diye haiñ tirī āsānī ko

haañ mujhe zabt hai saudā hai jinnoñ hai shāyad

de lo jo naam bhī chāho mirī nādānī ko

jis meñ mafhūm ho koī na koī rañg-e-ġhazal

'sād' jī aag lage aisī zabāñ-dānī ko

hum ki chehre pe na lae kabhi virani ko

kya ye kafi nahin zalim teri hairani ko

kar-e-farhad se ye kam to nahin jo hum ne

aankh se dil ki taraf moD diya pani ko

shisha-e-shauq pe tu sang-e-malamat na gira

aks-e-gul-rang hi kafi hai giran-bani ko

daman-e-chashm mein tara hai na jugnu koi

dekh ai dost meri be-sar-o-samani ko

tu ruke ya na ruke faisla tujh par chhoDa

dil ne dar khol diye hain teri aasani ko

han mujhe zabt hai sauda hai jinnon hai shayad

de lo jo nam bhi chaho meri nadani ko

jis mein mafhum ho koi na koi rang-e-ghazal

'sad' ji aag lage aisi zaban-dani ko